Mit liebe Leut bananda sei

Hier das berührende Gedicht von Lisl Innerhofer Mit liebe Leut bandanda sei. 

Mit liebe Leut bananda sei,  

wia vül mag oan das gebm,  

es ku a kloane Sternstund sei,  

die eini leucht´ as Lebm.  

Mit liabe Leut bananda sei,  

das hoaßt halt leider ah:  

bald wieder auseinander geh,  

wanns noand an schönist waa.  

Ma hat vielleicht va Mensch za Mensch  

a Freundschaftsbruggn gschlagn  

und mecht zan Abschied gar so gern  

noh ebbas Bleibends sagn.  

 Pfüat Gott!  

Es geit koan schönern Gruaß,  

wann er va Herschzn kimmb,  

er ist des beste Weggeleit  

und fi anont bestimmbt.  

Behüat ench Gott all miteinand,  

is a insa Wunsch fi ench,  

denn untern Schutz van Herrgot sei,  

das ist woh des größte Gschench!